Sayid M Cabdille Xasan Gabay:Ragga Ayl u Kacayow ———————————————————–

-


Waxaa la weriyey guyaashii Daraawiishi fadhiday Ayl iyo Ilig,xaruntiina Gelingaalle ka waabnayd ayaa daraawiish la oran jirey Aw jaamac,ragga daarta Daawad hayana ka tirsanaa,wiil ku dhalayna daraawiishta u hagaajiyo”Banaatiikhda” ka xumaata,buntukhuu hagaajiyana inuu qaalin geel ah ka qaato Sayid Maxamed u xukumay,Aw jaamacna xoolaha dhaqaaleeyo,sayidkuna ari fiican siiyey ayaa laba hal oo gabaya tiriyey oo waxuu yiri:

Astaadkiyo ismaaciilba waa ururin doonaane
Arsuqayga Eebbaa hayee adarka ii buuxi

Kaddibna waxaa lagu xujeeyey inuu arigii wada qashay oo damacsan yahay inuu Daraawiish ka tago.Dabadeed sayid Maxamed wuxuu u mariyey gabaygan waxuu yidhi:- 

Ragga Ayl u kacaayow fariin aada iga geeya
Aw jaamac dhaha aakhiriyo Eebbe ha illaawin
Nabsigaan ayaan soo dhaxayn adigu haw yeeran

Uquubiyo inkaar aadan qabin abid ha soo jiidan
Nin ikhwaanahoo kula arrimin maqal akhbaartiisa
Halkii kuu ekaad adigu tahay anafo haw yeelin

Arrinkaad waddaa waa hunguri ababadiisiiye
Ururkaaga uun dhereg la doon waa allow sahale
U adkayso gaajada wadaad aaqilaad tahaye

Arigaaga dhaqo cayri waa taad abuur garane
Adarka ha ku ridin koolahaad ku amranaydeene
Adduunyada ku tacab maanta waa aakhiruu sebene

Astaadkiyo Ismaaciil wax ku ururin maayaane
Arsuqaaga Eebban haye axanka hays dhaafin

Comments

Post a Comment

Popular posts from this blog

Sayid Maxamed Cabdille Xasan [Gabaygii lamagac baxay: Koofil]

-
Image
— —————————————————– Markay taariikhdu ahayd 1913 ayaa Daraawiishi ku duushay Ingiriis iyo Cawaankiis iyo kuwii Miirada u ahaa. weerar lixaad leh ku ballaariyeen degmo tiil Burco iyo agagaarkeeda.Maal waxay lahaayeena gacantay ku dhigeen.Nimankii xoolaha la dhacay lahaa iyo Ingiriiska oo isasoo biirsaday ayaa raacdo u soo birmaday. Gaal la odhan jiray ‘RICHARD CORFIELD’ oo ka mid ahaa madaxdii ciidammada Ingiriiska dalka Soomaliya u fadhidey,madaxna ka ahaa rakuubleydii Ingiriiska(Camel Corps) ciidankiisii iyo raggii xoolaha oo galabtii Beer maraya bay garab mareen oo u fariisteen buurta Dulmadoobe salkeeda. Waagu hadduu dillaacay ayaa Daraawiishi xoolihi oo duuban caasha u soo saareen iyagoo aan caad iska saarayn. Markay kaabiga u jireen meeshii colka gaaladu joogey ayay xoolihii hojiyeen dagaalna ugu hub qaadeen.Dhawr tacshiiradood haddii lays dhaafsaday “Corfield” oo colka gaalada madax u ahaa la dilay,raggiisina waa la jabiyey.Madaxdii “Koofil” iyo gacantiisii midig Taleex baa la k...
Read more

Ismaaciil Mirr e Gabay:- Ragow kibirka waa lagu kufaa kaa hala ogaado

-
Image
  Ismaaciil Mirre Gabay:- Ragow kibirka waa lagu kufaa ………………………………………………………………………………………………………………………………………………….. Gabaygan waxuu tiriyey Ismaciil mire mar Nin la odhan jirey carab dheere oo saajin Askartii gumaysiga ingiriiska u shaqayn jirey ahaa , ayaa maalin maalmaha ka mid ah Nin weydiistey Walaashii, markaas buu yidhi maxaad ku falaysaa? markaas baa ninkii yidhi waan guursanayaa, halkii jawaab ka sugayey ninkii,Haa iyo maya ayuu yidhi hala toogto, markas baa la yidhi carab ninka maxaad u dishay markaa markaas buu yidhi anigoo carab dheere ah oo sabaankan jooga ninka walaashay i weysdiistey barina wax kale ayuu soo wataa (Hadalka waan qarinaynaa) Arinkii waxaa maqlay Ismaaciil mire oo halkaas joogay ayaa waxuu tiriyey gabaygan qiimaha weyn leh oo ragii somalida kibrey wakhtigaas ku soo wada daray marka laga reebo Mataan ciideed, ilaa hadana lama oga sababta uu uga reebay mataan ciideed ma oodhhan karno ismaaciil, mataan ciideed maqal waxuuna yidhi: Kulligood adoomaha rabboow qay...
Read more

Ismaaciil Mirre : Gabayg:- Guuguulle

-
Image
  ……………………………………………………………………………………………. Gabayga aan kor ku sheegay,haddaan faallo gaaban ka bixiyo  sidii uu ku soo baxay: Ayadoo dalkii ay ka dhacay abaar aad u daran ee lagu baaba’ay ayuu Ismaaciil wuxuu harsanaayey geed. Kadibna shimbirka la yidhaahdo guuguulaha ayaa geedkii dushiisii soo fariistay, dabadeedna wuxuu bilaabay in uu  halkii ka ciyo, isla markaas uu joojin waayey guuguudii. Ismaaciil goortuu shimbirkii qayladiisii ka yaabay, wuxuu kula hadlay gabaygan. Gabaygu aad iyo aad ayuu u miro wanaagsan yahay, Soomaalida intooda gabayada jeceli way maqleen, Waa gabay qiimo badan, Marka Ismaaciil wuxuu yidhi: Guuguulihiiyow haddaad guga u ooyayso,  Oo aad moodday keligaa inuu gubayo jiilaalku,  Oo aad gamoorahakan maran gama’ la’aan diiday, Ayna gocosho awgeed ilmadu kaaga gobo’laysay,  Guumays cirroobaan ahaye war an ku gaarsiiyo,  Gartaa maaha keligaa inaad gaar u cabataaye, Giddigood addoomaha waxaa gaaray nabar weyne,  Abaar gaag ma reeba...
Read more